Horace Book I Ode XX Quintus Horatius Flaccus Vile potabis modicis Sabinum Cantharis, Graeca quod ego ipse testa Conditum levi, datus in theatro Cum tibi plausus, Care Maecenas eques, ut paterni Fluminis ripae simul et iocosa Redderet laudes tibi Vaticani Montis imago. Caecubum et prelo dornitam Caleno Tum bibes uvam; mea nec Falernae Temperant vites neque Formiani Pocula colles.